శుక్రవారంనాడు హరీష్‌ శంకర్‌, హైదరాబాద్‌ శివార్లో హరిహరవీరమల్లు షూటింగ్‌ జరుగుతుండగా వెళ్ళారు. అక్కడ కొద్దిసేపు పవన్‌తో భేటీ అయ్యారు. అనంతరం హరీష్‌ ఈ ఆనందమైన క్షణాలను కల్పించిన హరిహరవీరమల్లు చిత్ర దర్శకుడు క్రిష్‌కు ధన్యవాదాలు తెలియజేశారు. నిర్మాత ఎ.ఎం.రత్నం రిసీవింగ్‌ బాగుంది. మైత్రీ మూవీమేకర్స్‌కు ధన్యవాదాలు తెలియజేస్తూ ట్వీట్‌ చేశారు.
కాగా, అనంతరం హరీష్‌ శంకర్‌ ఓ ఫంక్షన్‌లో పాల్గొన్నారు. అక్కడ తెలంగాణ మంత్రి అజయ్‌, హరీష్‌ శంకర్‌ నుద్దేశించి మాట్లాడుతూ, హరీష్‌ చేసిన గబ్బర్‌సింగ్‌ మా కుటుంబంతో చూశాను. చాలా బాగా తీశాడు. అప్పట్లోనే 4 నెలల్లో పూర్తిచేశాడు. ఇప్పుడు చాలామంది సంవత్సరాలపాటు సినిమాలు తీస్తున్నారు. పవన్‌ కళ్యాణ్‌తో ఈసారి 8 నెలల్లో భగత్‌సింగ్‌ను పూర్తిచేయాలని కోరుకుంటున్నాను అన్నారు. అనంతరం హరీష్‌ మాట్లాడుతూ, తప్పకుండా అందరి సహకారంతో మంత్రిగారు చెప్పినట్లే పూర్తిచేస్తానని ప్రకటించారు. త్వరలో దీని గురించి ఆయన ప్రకటించనున్నారు.
