టాలీవుడ్ యంగ్ బెస్ట్ కపుల్స్‌లలో మెగా పవర్ స్టార్ రామ్ చరణ్, ఆయన భార్య ఉపాసనను చేర్చవచ్చు. చెర్రీ సోషల్ మీడియాలో యాక్టివ్‌గా లేకపోయినప్పటికీ.. ఉపాసన మాత్రం చాలా యాక్టివ్‌గా ఉంటుంది. ఇంట్లో ఏ చిన్నపాటి ఫంక్షన్ జరిగినా దాన్ని ట్విట్టర్‌లో పోస్ట్ చేస్తుంది. అందుకే మెగా ఫ్యామిలీకి సంబంధించిన విషయాలను తెలుసుకునేందుకు ఆమె ట్విట్టర్ ఖాతాను ఫాలో అవుతుంటారు.
తాజాగా చెర్రీ గురించి ఉపాసన చేసిన ట్వీట్ వైరల్‌ అవుతోంది. చెర్రీ దగ్గరుండి మరీ తినిపిస్తున్నాడు.. కానీ, మళ్లీ జిమ్‌లో వర్కౌట్స్‌ చేయమని చంపేస్తాడంటూ బోరున ఏడుస్తున్న ఎమోజీలను ట్వీట్ చేసింది. ఈ సండే మిష్టర్‌ సీతో ఆనందంగా గడిచిందంటూ ట్వీట్ చేశారు. రామ్‌చరణ్‌ ప్రస్తుతం బోయపాటి శ్రీను సినిమా షూటింగ్‌ నిమిత్తం అజర్‌బైజాన్‌లో ఉన్న సంగతి తెలిసిందే. ఈ చిత్రాన్ని సంక్రాంతి కానుకగా విడుదల చేసేలా ప్లాన్ చేస్తోంది.
