యంగర్ రెబెల్ స్టార్ ప్రభాస్ "బాహుబలి" తర్వాత నటిస్తున్న చిత్రం "సాహో". ఈ చిత్రం షూటింగ్ శరవేగంగా సాగుతోంది. రూ.150 కోట్ల భారీ బడ్జెట్‌తో ఈ చిత్రాన్ని తెరకెక్కిస్తున్నారు. మరో నెల రోజుల పాటు ఈ సినిమా షూటింగ్ 'అబుదాబి'లో జరుగనుంది. ఇదిలావుంటే, సాహో తర్వాత తదుపరి నటించేందుకు ఎలాంటి ప్రాజెక్టుకు ప్రభాస్ సంతకం చేయలేదు.
దీంతో 'సాహో' తర్వాత ఏం చేస్తారని ప్రభాస్‌ను మీడియా మిత్రులు ప్రశ్నించారు. దీనికి సమాధానమిస్తూ, ఈ చిత్రం షూటింగ్ తర్వాత ఏ వ్యాపారమో... వ్యవసాయమో చేసుకుంటానని చమత్కరించాడు. అయితే, సాహో షూటింగ్‌లో ఉండగానే ప్రభాస్ మరో చిత్రంలో నటించనున్నాడు.
