అఖిల్ "హ‌లో" మూవీ త‌ర్వాత చాలామంది ద‌ర్శ‌కులు చెప్పిన క‌థ‌లు విని.. ఫైన‌ల్‌గా 'తొలిప్రేమ' ఫేమ్ వెంకీ అట్లూరితో సినిమా చేసేందుకు గ్రీన్ సిగ్న‌ల్ ఇచ్చాడు. ఈ భారీ చిత్రాన్ని బి.వి.ఎస్.ఎన్ ప్ర‌సాద్ నిర్మిస్తున్నారు. ఇటీవ‌ల అన్న‌పూర్ణ స్టూడియ‌లో ప్రారంభించిన ఈ సినిమా రెగ్యుల‌ర్ షూటింగ్‌ను జూన్ నుంచి ప్రారంభించేందుకు ప్లాన్ చేస్తున్నారు. ప్రేమ కథాంశంగా రూపొందనున్న ఈ సినిమాలో అఖిల్‌కి జోడీగా నిధి అగర్వాల్ నటించనున్నట్టు తెలుస్తోంది.
కథ ప్రకారం ఈ సినిమాలోని కొన్ని కీలకమైన సన్నివేశాలను పాటలను అమెకాలో చిత్రీకరించనున్నారు. మూడు వారాల పాటు అక్కడ ఈ సినిమా షూటింగ్ కొనసాగనుంది. ఇంతకుముందు వెంకీ అట్లూరి చేసిన 'తొలిప్రేమ' సినిమాలోనూ కొన్ని సన్నివేశాలను యూకేలో చిత్రీకరించాడు. ఆ సన్నివేశాలు యూత్ నుంచి మంచి మార్కులు కొట్టేశాయి. అలాగే ఈ సినిమాలోనూ యూకేలో చేయనున్న సన్నివేశాలు ఆడియన్స్ మనసు దోచుకునేలా వుంటాయని అంటున్నారు.
ఈ మూవీకి ఎస్.ఎస్.త‌మ‌న్ సంగీతం అందిస్తున్నారు. ఆల్రెడీ పాట‌ల రికార్డింగ్ స్టార్ట్ చేసాడు. మ‌రి.. అఖిల్ రెండు సినిమాల్లో ఒక‌టి అట్ట‌ర్ ఫ్లాప్ కాగా, రెండోది యావ‌రేజ్‌గా నిలిచింది త‌ప్పా.. ఆశించిన విజ‌యాన్ని అందించ‌లేదు. మ‌రి.. ఈ సినిమా అయినా అక్కినేని వంశాభిమానుల ఆశ నెర‌వేరుస్తుంద‌ని ఆశిద్దాం.
