జబర్దస్త్ యాంకర్, హాట్ యాక్టర్ రష్మీ గౌతమ్ ఓ అరుదైన వ్యాధితో బాధపడుతుందట. ఈ విషయాన్ని ఆమే ట్విట్టర్ వేదికగా స్పష్టం చేసింది. శరీర బరువులో హెచ్చుతగ్గులకు కారణమయ్యే 'రుమాటిజం' అనే వ్యాధి తనకు ఉందని రష్మీ గౌతమ్ వెల్లడించింది.
ఈ విషయం తనకు 12 సంవత్సరాల వయసు ఉన్నప్పుడే తెలుసునని రష్మీ ట్విట్టర్లో వెల్లడించింది. ఇటీవల రష్మీని ఓ ఈవెంట్‌లో తాను చూశానని.. చీరలో చాలా లావుగా కనిపించిందని.. శరీరాకృతి విషయంలో జాగ్రత్త వహించాలని ఓ అభిమాని సూచించడంతో, రష్మి స్పందించింది.
ఈ వ్యాధి నుంచి బయటపడేందుకు కొన్ని కఠిన నిర్ణయాలు తీసుకున్న సమయంలో దుష్పరిణామాలు వచ్చాయంది. ఇలాంటి విష‌యాలు ఒత్తిడి పెంచి, డిప్రెష‌న్‌కి గురి చేస్తాయి. ఒకవేళ శరీరాకృతిలో తేడా వస్తే గౌరవంగా త‌ప్పుకుంటానని రష్మీ ట్విట్టర్ వేదికగా క్లారిటీ ఇచ్చింది.
