గోవా బ్యూటీ ఇలియానా నెటిజన్లపై ఫైర్ అయ్యింది. ఎక్కడికెళ్లినా తన బాయ్‌ఫ్రెండ్ ఆండ్రూ నీబోన్ గురించే అడుగుతున్నారని వాపోయింది. చాలామంది తన బాయ్‌ఫ్రెండ్ గురించి అడగటంలో తప్పులేదు కానీ.. అతని జాతి గురించి అడుగుతున్నారని మండిపడింది. అతను తెల్లగా వున్నందువల్లే అతనితో తాను డేటింగ్ చేస్తున్నానని ఫైర్ అయ్యింది. అదొక్కటే తనకు నచ్చలేదని ఇలియానా ఆగ్రహం వ్యక్తం చేసింది.
ఇలియానా నటించిన ‘బాద్‌షాహో’ చిత్రం ఇటీవల విడుదలై బాక్సాఫీస్‌ వద్ద మంచి వసూళ్లు రాబడుతోంది. ఈ చిత్రం విడుదలైన రెండు వారాల్లోనే రూ.50 కోట్ల వసూళ్లు సాధించింది. ఈ నేపథ్యంలో ట్విట్టర్‌లో తనకు వస్తున్న కామెంట్లపై స్పందించింది. తాను పబ్లిక్ ఫిగర్‌ అని.. అయితే పబ్లిక్ ప్రాపర్టీని మాత్రం కానేకాదని చెప్పేసింది. మిగిలిని పురుషులంతా తమ భార్యలు, తల్లుల పట్ల ఇలాగే ప్రవర్తిస్తున్నారా? అని ప్రశ్నించింది. మరి తన విషయంలో ఎందుకిలా ప్రవర్తిస్తున్నారంటూ మండిపడింది. ఎప్పుడూ నవ్వుతూ కనిపించలేనని ఇల్లీ బ్యూటీ స్పష్టం చేసింది.
