అలాగే బాహుబలి మేకర్ రాజమౌళితో సినిమా చేయనున్నట్లు వస్తున్న వార్తలపై కూడా మహేష్ బాబు స్పందించారు. రాజమౌళితో కలిసి తాను సినిమా చేయాలనే నిర్ణయానికి వచ్చినట్లు తెలిపాడు. ప్రస్తుతం ఆయనకి కమిట్ మెంట్స్ వున్నాయని... తనకు కూడా కొన్ని కాల్షీట్స్ వుండటంతో కొంత టైమ్ తీసుకున్నాక ఈ సినిమాను కలిసి చేస్తామని చెప్పుకొచ్చాడు.
ఇకపోతే.. రాజమౌళి- మహేష్ బాబు కాంబోలో తెరకెక్కనున్న సినిమా 2018లో ప్రారంభమై 2019లో రిలీజ్ అవుతుందని.. అంతకుముందు కొరటాలతో భరత్ అనే నేను, మహేష్ 25 (త్రివిక్రమ్‌తో) సినిమాలను ప్రిన్స్ పూర్తి చేస్తాడని తెలుస్తోంది. ప్రభాస్, జూనియర్ ఎన్టీఆర్, రామ్ చరణ్, నాని వంటి హీరోలతో కలిసి పనిచేసిన రాజమౌళి త్వరలో తొలిసారిగా మహేష్ బాబుతో కలిసి పనిచేయనున్నాడు.
