నా పనిని నేను నిజాయితీగా చేసుకుంటూ వెళ్లడం వల్ల ప్రేక్షకుల్లో నమ్మకం కలిగింది. నన్ను ఆడియన్స్ ని సపరేట్ చేయను. నేను ప్రేక్షకుల్లో ఒకడినే అనే నమ్మకంతోనే సినిమాలు చేసుకుంటూ వెళుతన్నాను. అందుకే నా నుంచి సినిమా వస్తుందంటే కచ్చితంగా హిట్ అవుతుందనే నమ్మకం ఆడియన్స్ లో కలిగింది అని కథానాయకుడు నాని అన్నారు.
నేచురల్ స్టార్ నాని చేసిన క్రైమ్ యాక్షన్ థ్రిల్లర్ HIT: ది 3rd కేస్. శ్రీనిధి శెట్టి హీరోయిన్ గా నటించింది. డాక్టర్ శైలేష్ కొలను దర్శకత్వం వహించిన ఈ చిత్రాన్ని వాల్ పోస్టర్ సినిమా, నాని యూనానిమస్ ప్రొడక్షన్స్ బ్యానర్స్ పై ప్రశాంతి తిపిర్నేని నిర్మించారు. ఈ చిత్రం మే 1న పాన్ ఇండియాగా విడుదల కానుంది. ఈ సందర్భంగా నాని విలేకరుల సమావేశంలో సినిమా విశేషాలు పంచుకున్నారు.
హిట్ 3 కోసం దేశం అంత తిరిగారు కదా.. ఎలా ఉంది రెస్పాన్స్ ?
బ్రహ్మాండంగా ఉంది. షూటింగ్ కోసం అలాగే ప్రమోషన్స్ కోసం దేశ మొత్తం తిరిగాం,. ఆడియన్స్ నుంచి చాలా మంచి రెస్పాన్స్ ఉంది. ఆడియన్స్ సినిమాని చూడాలని ఫిక్స్ అయిపోయారు. సినిమా రాకముందే అలాంటి ఒక పాజిటివ్ వైబ్ రావడం చాలా ఆనందాన్ని ఇచ్చింది.
హిట్ 3 టీజర్ ట్రైలర్ లో చాలా వైలెన్స్ కనిపిస్తుంది ..ఇది ఎలాంటి సినిమా ?
హిట్ ఫ్రాంచైజీ లో వచ్చిన రెండు సినిమాలు కూడా ఇన్వెస్టిగేషన్ థ్రిల్లర్స్. హిట్ 3 వచ్చేసరికి యాక్షన్ వైలెన్స్ కథ డిమాండ్ ని బట్టి వచ్చింది. ఇది రెగ్యులర్ సినిమాల ఉండదు. చాలా రిలేటబుల్, స్టైలిష్ గా ఉంటుంది. ఆర్గానిక్ గా కుదిరిన కొన్ని ఎలిమెంట్స్ వల్ల సినిమాలో చూస్తున్నప్పుడే విజల్ వర్తీ మూమెంట్స్ చాలా ఉంటాయి . ఈ సినిమాని వైలెన్స్ కోసం తీయలేదు. కథలో ఆర్గానిక్ గా వైలెన్స్ ఉంది. అది సినిమా చూస్తున్నప్పుడు మీకే అర్థమవుతుంది.
ఈ సినిమా వైలెన్స్ కారణంగా ఏమైనా ఎఫెక్ట్ ఉంటుందా?
అడ్వాన్స్ బుకింగ్స్ చాలా అద్భుతంగా ఉన్నాయి. ఇది ఒక డిఫరెంట్ జోనర్ సినిమా. టార్గెట్ ఆడియన్స్ ని మెప్పిస్తే ఖచ్చితంగా సినిమా బ్లాక్ బస్టర్ అవుతుంది. ఈ సినిమా టార్గెట్ ఆడియన్స్ ని ఖచ్చితంగా మెప్పిస్తుంది.
-హిట్3 వైలెన్స్ సబ్జెక్టు డిమాండ్ బట్టే ఉంటుంది. స్క్రీన్ పై వైలెన్స్ చూస్తున్నప్పుడు అది డిస్ట్రబ్ చేసేలా ఉండదు. ఆ వైలెన్స్ ఎంజాయ్ చేసేలానే ఉంటుంది. సలార్ లో యాక్షన్ చూసినప్పుడు ఎలా ఎంజాయ్ చేశారు ఇందులో యాక్షన్ అలానే ఉంటుంది. అయితే కేసు తాలూకా ఇంటెన్సిటీ ఎక్కువ ఉంటుంది. ఒక కమర్షియల్ సినిమా వైలెన్స్ ఎలా ఉంటుందో ఇందులో కూడా అలాంటి వైలెన్సే ఉంటుంది.
మిక్కి జే మేయర్ మ్యూజిక్ ఎలా వుండబోతోంది ?
మిక్కి మంచి క్రాఫ్ట్ మ్యాన్, ఇప్పటివరకు మంచి ఫీల్ గుడ్ సినిమాలు చేశారు. ఆయన ఎప్పుడు కూడా థ్రిల్లర్ చేయలేదు. ఆయన ఒకవేళ థ్రిల్లర్ చేస్తే ఆ సౌండ్ చాలా కొత్తగా ఉంటుంది. ఆ ఉద్దేశంతో ఆయన్ని తీసుకోవడం జరిగింది. ఆయన బ్యాగ్రౌండ్ స్కోర్ ఆడియన్స్ ఒక న్యూ ఎక్స్పీరియన్స్ ఇస్తుంది.
ఈ సినిమాలో కొంత భాగం పహల్గమ్ లో షూట్ చేశామని విన్నాం?
-పహల్గమ్ డిఫరెంట్ లోకేషన్స్ లో 18 రోజులు షూట్ చేశాం. మొన్న జరిగిన ఘటన మమ్మల్ని కలిసివేసింది. అలాగే ఈ సినిమా సూట్ చేస్తున్నప్పుడే డిఓపి డిపార్ట్మెంట్లో పనిచేస్తున్న ఓ వ్యక్తి అనారోగ్య కారణాల వల్ల కోల్పోవడం జరిగింది. ఆ ఘటన కూడా మమ్మల్ని చాలా బాధించింది.
హీరోయిన్ శ్రీనిధి శెట్టి గురించి?
-ఈ సినిమాలో ప్రతి పాత్రకి ఒక పర్పస్ ఉంటుంది . శ్రీనిధి చాలా అద్భుతంగా పెర్ఫామ్ చేసింది. ఆ క్యారెక్టర్ గురించి ఇప్పుడే ఎక్కువ విషయాలు రివిల్ చేయకూడదు. తన సొంత సినిమా అన్నట్టుగా చాలా సపోర్టివ్ గా ప్రమోషన్స్ లో కూడా చాలా యాక్టివ్గా పాల్గొంది. తనకి డియన్స్ లో చాలా మంచి క్రేజ ఉంది. తను ఈ సినిమాకి చాలా ప్లస్ అయింది.
హిట్ 3 సినిమా మీరే చేయడానికి కారణం ఏమిటి?
అది సబ్జెక్టు డిమాండ్. ఈ సినిమా నేనే ఎందుకు చేశాను. ఈ సినిమా నేను చేయడానికి కారణం ఏంటనేది మీరు సినిమా చూసినప్పుడు మీకే తెలుస్తుందని భావిస్తున్నాను.
రాజమౌళి గారు హిట్ ఫ్రాంచైజ్ లో వచ్చిన సినిమాలకి చీఫ్ గెస్ట్ గా రావడం ఎలా అనిపిస్తుంది?
-రాజమౌళి గారు అంటే నాకు ఒక ఫ్యామిలీ మెంబర్. ఈవెంట్ కి మిస్ అవ్వకూడదని ఎంత బిజీలో ఉన్న ఆయన రావడం మాకు గొప్ప ఆనందాన్ని ఇచ్చింది. మూడు సినిమాలు కి చీఫ్ గెస్ట్ గా వచ్చారు. నెక్స్ట్ వచ్చే సినిమాకి ఆయన చీఫ్ గెస్ట్ గా రాకపోతే ఎలా అనే టెన్షను మొదలైంది).
హిట్ 3 కి అడ్వాన్స్ ఓపెనింగ్స్ ఎలాంటి నంబర్స్ ఎక్స్పెక్ట్ చేస్తున్నారు?
నెంబర్ గేమ్ లో నేను కొంచెం వీక్. అయితే ఈ మధ్య ఆడియన్స్ థియేటర్స్ కి రావడం లేదని తరచుగా వింటున్నాం. కానీ హిట్ 3 అడ్వాన్స్ బుకింగ్ చూస్తుంటే చాలా ఆనందంగా అనిపిస్తుంది. మనం ఎక్సయిట్ చేసే కంటెంట్ ఇస్తే ఆడియన్స్ కచ్చితంగా ఆడియన్స్ థియేటర్ కి వస్తారని నా అభిప్రాయం.
పారడైజ్ లో వైలెన్స్ హిట్ 3కి మించి ఉంటుందా?
ఈ రెండు దేనికవే ప్రత్యేకమైన సినిమాలు. పారడైజ్ ఒక ఎపిక్ స్కేల్ లో ఉంటుంది. హిట్ 3 ఒక ఇన్వెస్టిగేషన్ థ్రిల్లర్.
చిరంజీవి అభిమానిగా మీరు ఆయనతో సినిమా నిర్మించడం ఎలా అనిపిస్తుంది?
అది నాకు ఇంకా డైజెస్ట్ కావడం లేదు. ఇదొక ప్రౌడ్ మూమెంట్.
