తెలుగు చిత్రపరిశ్రమలోని హీరోయిన్లలో ఫరియా అబ్దుల్లా ఒకరు. ఈ యంగ్ హీరోయిన్ "జాతిరత్నాలు" చిత్రంతో ఒక్కసారిగా వెలుగులోకి వచ్చారు. మంచి అంద చందంతో పాటు చూడముచ్చటగా ఉండే ఈ భామకు మాత్రం కాలం కలిసిరావడం లేదు. 'జాతిరత్నాలు' తర్వాత ఆమె కెరీర్‌లో సరైన హిట్ లభించలేదు. వరుస చిత్రాలు చేస్తూ తన అదృష్టాన్ని పరీక్షించుకుంటుంది.
ఈ నేపథ్యంలో తాజాగా ఇచ్చిన ఇంటర్వ్యూలో తన మనసులోని మాటను వెల్లడించారు. తనకంటూ ఓ అవకాశం వస్తే మాత్రం పవర్ స్టార్ పవన్ కళ్యాణ్తో ఏమాత్రం సిగ్గు లేకుండా డేటింగ్ చేస్తానని, ఆ తర్వాత టాలీవుడ్ మన్మథుడు అక్కినేని నాగార్జునను లవ్ చేసి, టాలీవుడ్ మోస్ట్ బ్యాచిలర్ ప్రభాస్‌ను వివాహం చేసుకుని పిల్లలను కంటానని చెప్పారు.
కాగా, ప్రముఖ యాంకర్ సుమ నిర్వహిస్తున్న చాట్ షో లేటెస్ట్ ఎపిసోడ్‌లో ఫరియా అబ్దుల్లా అతిథిగా హాజరైంది. ఈ సందర్భంగా యాంకర్ అడిగిన ప్రశ్నలకు ఆమె తనదైనశైలిలో వినోదం పంచుతూ సమాధానం ఇచ్చింది. సుమపై ర్యాప్ సాంగ్ పాడి ఆలరించింది. దీనికి సంబంధించిన ప్రోమో విడుదలై హల్చల్ చేస్తోంది. పూర్తి ఎపిసోడ్ త్వరలోనే టెలికాస్ట్ కానుంది.
