కాగా, హీరో హృతిక్ రోషన్ కుటుంబంతో కుమ్మక్కై జావేద్ అక్తర్ తనను ఇంటికి పిలిచి బెదిరించారని, హృతిక్ కుటుంబానికి క్షమాపణ చెప్పకుంటే జైలుకు వెళ్లాల్సి ఉంటుందని హెచ్చరించారని కొద్ది రోజుల క్రితం కంగనా రనౌత్ సంచలన ఆరోపణలు చేసిన విషయం తెల్సిందే.
సినీ పరిశ్రమలో రాకేష్ రోషన్ పెద్ద మనిషని, అతనితో పెట్టుకుంటే నువ్వు ఆత్మహత్య చేసుకోవాల్సి వస్తుందని జావేద్ హెచ్చరించినట్టు కంగనా తెలిపింది. తనపై నిరాధార ఆరోపణలు చేసిన కంగనపై జావేద్ తాజాగా కోర్టుకెక్కారు. దీనిపై విచారణను డిసెంబరు మూడో తేదీకి కోర్టు వాయిదావేసింది.
ఇదిలా ఉండగా, ముంబైలో శాంతి భద్రతలకు విఘాతం కలిగేలా వివాదాస్పద వ్యాఖ్యలు చేస్తున్నారనే ఆరోపణలపై కంగన, ఆమె సోదరి రంగోలికి ముంబైలోని బాంద్రా పోలీసులు సమన్లు జారీచేశారు. ఈ నెల 10, 11 తేదీల్లో విచారణకు హాజరుకావాలని అందులో పేర్కొన్నారు. మొత్తంమీద... కంగనా రనౌత్‌తో అటు మహారాష్ట్ర ప్రభుత్వం, ఇటు ముంబై పోలీసులు చుక్కలు చూపిస్తున్నారు.
