నందమూరి నటసింహం బాలకృష్ణ నటించిన వందో చిత్రం 'గౌతమిపుత్ర శాతకర్ణి' ట్రైలర్‌ను శుక్రవారం విడుదల చేశారు. ఈ ట్రైలర్‌కు పలువురు రాజకీయ, చిత్ర ప్రముఖుల నుంచి ప్రశంసలు లభిస్తున్నాయి. నందమూరి హీరోలు ఎన్టీఆర్, ఎన్.కల్యాణ్‌రామ్‌ కూడా తమ బాబాయ్ వందో సినిమా ట్రైలర్‌ను ప్రశంసల్లో ముంచెత్తారు.
‘శాతకర్ణి’ ట్రైలర్‌ను చూసిన కల్యాణ్‌రామ్‌, ఎన్టీఆర్‌లు ట్విట్టర్‌ ద్వారా తమ స్పందన తెలిపారు. 'దేశం మీసం తిప్పడం' అనే డైలాగ్‌ను కోట్‌ చేసిన కల్యాణ్‌రామ్‌.. ట్రైలర్‌లో బాలయ్య అద్భుతంగా ఉన్నారని ట్వీట్‌ చేశాడు.
