భార‌త‌దేశంలో మొట్ట‌మొద‌టి సూప‌ర్‌గ‌ర్ల్ మూవీగా తెలుగు, త‌మిళ, హిందీ, క‌న్న‌డ, మ‌ల‌యాళ భాష‌ల‌లో రూపొందుతోన్న ప్యాన్ ఇండియా చిత్రం `ఇంద్రాణి`. తెలుగు తెరపై ఇంత వ‌ర‌కూ చూడ‌ని ఒక డిఫరెంట్ పాయింట్ తో విజువల్ వండర్‌గా ఈ మూవీని రూపొందిస్తున్నారు దర్శకుడు స్టీఫెన్. ఈ మూవీలో సూప‌ర్‌గ‌ర్ల్ పాత్ర‌కు ధీటైన సూపర్ విలన్ గా ప్ర‌ముఖ న‌టుడిగా తెలుగు,త‌మిళ, హిందీ భాష‌ల‌లో సుప‌రిచితుడైన కబీర్ దుహన్ సింగ్‌ను ఎంపిక చేసింది చిత్ర యూనిట్. ఈ సినిమాలో కబీర్ దుహాన్ సింగ్ ఎలక్ట్రో మ్యాన్‌గా క‌నిపించ‌నున్నారు. శ్రీ రామ న‌వమి సంద‌ర్భంగా ఎల‌క్ట్రోమ్యాన్‌గా కబీర్ దుహాన్ సింగ్ మోష‌న్‌పోస్ట‌ర్ ని విడుద‌ల చేసింది చిత్ర యూనిట్. భారీ విజువల్స్ ఎఫెక్ట్స్‌తో ఉన్న ఈ మోషన్ పోస్ట‌ర్ కు సోష‌ల్ మీడియాలో మంచి రెస్పాన్స్ వ‌స్తోంది.
