బాలీవుడ్ నటి కాజోల్ పోస్ట్ చేసిన బీఫ్ వీడియో ఇపుడు వివాదాస్పదమై వైరల్‌గా మారింది. నిజానికి గత కొన్ని రోజులుగా దేశవ్యాప్తంగా గోవుల సంరక్షణ, బీఫ్ నిషేధం వంటి సంఘటనలు చర్చనీయాంశంగా మారిన విషయం తెల్సిందే. ఈ నేపథ్యంలో ప్రముఖ బాలీవుడ్ హీరోయిన్ కాజోల్ బీఫ్ వీడియో అందరినీ షాక్‌కు గురిచేసింది.
హీరోయిన్ కాజోల్ సోషల్ మీడియాలో చేసిన పోస్టింగ్ వివాదం వివాదస్పదం అయింది. తన స్నేహితుడు రైన్స్ తన రెస్టారెంట్‌లో బీఫ్ వంటకం సిద్ధం చేశాడంటూ అతడితో కలిసి దిగిన బీఫ్ పార్టీ వీడియోను ఫేస్‌బుక్, ఇన్‌స్టాగ్రామ్‌లలో ఆమె పోస్టు చేశారు. ఈ వీడియో వివాదాస్పదమైంది.
ఈ వీడియో వివాదస్పదం కావడంతో ఆమె వివరణ ఇచ్చుకున్నారు. రైన్స్ తయారు చేసింది బీఫ్(గోమాంసం) కాదని, బఫెలో(గేదె) మాంసం అని వివరణ ఇచ్చింది. నేను వీడియో పోస్టు చేసిన దాంట్లో ఉంది నిజానికి అది గేదె మాంసం అని, ఆ మాంసం చట్టబద్ధంగానే అందుబాటులో ఉందని కాజోల్ తెలిపారు. మతపరమైన భావాలను దెబ్బతీసే ఉద్దేశం తనకు లేదని పేర్కొంటూ సోషల్ మీడియా నుంచి తన పోస్టింగ్‌ను తొలగించింది.
