నాగ్ అశ్విన్ దర్శకత్వంలో ప్రభాస్ హీరోగా నటించిన చిత్రం "కల్కి". గత నెల 26వ తేదీన విడుదలై ఇప్పటికీ విజయవతంగా ప్రదర్శితమవుతుంది. అయితే, ఈ చిత్రం గతంలో జూనియర్ ఎన్టీఆర్, రాణ్ చరణ్ హీరోలుగా రాజమౌళి తెరకెక్కించిన "ఆర్ఆర్ఆర్" చిత్రం హిందీ రికార్డులను అధికమించింది.
అలాగే, కల్కి చిత్రం బాక్సాఫీస్ వద్ద నాలుగో వారాంతంలో రికార్డులు సృష్టించింది. ఈ సినిమా హిందీలో అత్యధిక వసూళ్లు సాధించిన మూడో దక్షిణాది చిత్రంగా నిలిచింది. ప్రపంచవ్యాప్తంగా రూ.1000 కోట్ల క్లబ్‌లో చేరిన 7వ భారతీయ సినిమాగా ఇప్పటికే రికార్డు సృష్టించిన సంగతి తెలిసిందే.
హిందీలో అత్యధిక వసూళ్లు సాధించిన దక్షిణాది చిత్రాలు..
బాహుబలి 2 : రూ.511 కోట్లు
కేజీయఫ్ 2 : రూ.435 కోట్లు
కల్కి 2898 AD : రూ.275.9 కోట్లు
ఆర్ఆర్ఆర్ : రూ.272.78 కోట్లు
ప్రపంచవ్యాప్తంగా బాక్సాఫీస్ వద్ద ఈ చిత్రం రూ.1000 కోట్ల గ్రాస్ క్లబ్‌లో చేరింది. ఇది ఈ ఘనత సాధించిన ఏడో భారతీయ చిత్రం. 2024 సంవత్సరంలో మొదటిది. కల్కి 2898 AD ప్రపంచవ్యాప్తంగా బాక్సాఫీస్ వద్ద ఈ స్థాయి వసూళ్లు సాధించిన మూడో తెలుగు చిత్రం.
