పవర్ స్టార్ పవన్ కళ్యాణ్ 'కాటమరాయుడు' చిత్రం షూటింగ్‌లో ఫన్ సీన్స్ నెట్టింట్లో లీక్ అయ్యాయి. ఈ షూటింగ్‌లో పవర్ స్టార్ పవన్ కల్యాణ్ సర్‌ప్రైజ్ గిఫ్ట్ అందుకున్నారు. ఈ చిత్రంలో పవన్ సోదరుడిగా నటిస్తున్న శివబాలాజీ పవన్ కోసం ప్రత్యేకంగా ఓ కత్తిని తయారు చేసి బహుమతిగా ఇచ్చారు. పవన్‌కు వీరాభిమాని అయిన శివబాలాజీ తన అభిమానాన్ని చాటుకునేందుకు పవన్ షాక్ అయ్యేలా ఓ ఖడ్గాన్ని ఇచ్చారు. ఆ ఖడ్గంపై పవన్ ఫోటో ఉంది. ఇంకా జనసేన లోగోను కూడా డిజైన్ చేశారు. ఈ ఖడ్గాన్ని ‘కాటమరాయుడు’ సెట్స్‌కి వెళ్లి మరీ సగౌరవంగా దానిని అందజేశారు.
ఈ ఖడ్గాన్ని డెహ్రాడూన్‌లో తనకు తెలిసిన ఖడ్గ తయారీదారుడిని కలిసి.. తనకు నచ్చిన విధంగా డిజైన్ చేశానని.. ఈ ఖడ్గ తయారీ కోసం రోజూ తనకు తన భార్య భార్య మధుమితకు ఎన్నో ఆలోచనలు వచ్చేవి. ఒకసారి ఖడ్గం డిజైన్ పూర్తయ్యాక ఏం రాయించాలన్న ఆలోచన మొదలైంది. దానిపై పవర్‌ఫుల్‌ పదాలుండేలా పవన్‌గారి ఫొటోకింద ‘జనసేన’ అని రాయించాలనుకున్నాను. ఇలా తన ఐడియాస్ చెప్పుకుంటూ పోతుంటే.. డిజైనర్‌కి విసుగుపుట్టి.. నా వల్ల కాదన్నాడు. అయినా పట్టుబట్టి.. మోహన్ సాయం తీసుకుని ఖడ్గం చేయించానని చెప్పారు. ఆ ఖడ్గాన్ని పవన్ సర్‌కి ఇచ్చినప్పుడు ఆయన రియాక్ష‌న్‌ను మర్చిపోలేనని శివబాలాజీ చెప్పుకొచ్చారు.
