ఈ దీపావళికి "క" సినిమాతో బ్లాక్ బస్టర్ హిట్ అందుకున్న హీరో కిరణ్ అబ్బవరం తన కొత్త మూవీతో సిద్ధమవుతున్నారు. "కెఎ10" అనే వర్కింగ్ టైటిల్ పెట్టుకున్న ఈ చిత్రాన్ని శివమ్ సెల్యులాయిడ్ సమర్పణలో ప్రముఖ మ్యూజిక్ లేబుల్ సారెగమ సంస్థ నిర్మిస్తోంది. కొత్త దర్శకుడు యుడ్లీ ఈ చిత్రాన్ని రూపొందిస్తున్నారు. ఈ రోజు "కెఎ10" సినిమా నుంచి ఎగ్జైటింగ్ అప్డేట్ ఇచ్చారు మేకర్స్. ఈ నెల 19వ తేదీన ఈ సినిమా టైటిల్ అనౌన్స్ చేయబోతున్నట్లు ప్రకటించారు.
