టాలీవుడ్‌ స్టామినాని ప్రపంచానికి చాటి చెప్పిన ఎస్‌.ఎస్‌. రాజమౌళి దర్శకత్వంలో ఎంతో ప్రతిష్టాత్మకంగా రూపొందుతోన్న 'ఆర్ఆర్ఆర్' సినిమాకు లీకుల బెడద తప్పట్లేదు. ఈ సినిమాకు సంబంధించి కొన్ని కీలక ఫొటోలు లీక్‌ అయ్యాయి. అల్లూరి సీతారామరాజు పాత్ర చేస్తున్న రామ్‌ చరణ్‌ పిక్‌, కొమురం భీమ్‌ పాత్ర చేస్తోన్న ఎన్టీఆర్‌ పిక్‌తో పాటు మరికొన్ని ఫొటోలు కూడా లీక్‌ అయ్యాయి.
భీమ్‌ ఇంట్రో టీజర్‌లో తలపై రక్తం పోసుకునే సన్నివేశాన్ని చూపించారు. పులిని రప్పించడం కోసం ఎన్టీఆర్‌ అలా రక్తం మీద పోసుకుంటాడని, ఆ తర్వాత పులి వచ్చాక దానిని మట్టుపెడతాడనే వార్తలు వస్తున్న నేపథ్యంలో తాజాగా లీకైన స్టిల్‌ ఆ విషయాన్ని చెప్పకనే చెప్పేస్తుంది.
