సూపర్‌స్టార్ మహేశ్‌బాబు కెరీర్‌లో 25వ చిత్రంగా విడుదలైన మహర్షి సినిమా థియేటర్లలో కలెక్షన్‌ల వర్షం కురిపిస్తోంది. అయితే ఈ సినిమా మేకింగ్ వీడియోని చిత్రబృందం మంగళవారం అభిమానుల కోసం సోషల్ మీడియాలో విడుదల చేసింది. ఈ వీడియోలో ఓ గ్రామాన్ని సృష్టించడం, మహేశ్‌బాబు యాక్షన్ సన్నివేశాలను తెరకెక్కించడం తదితర అంశాలను చూపించారు.
ఈ చిత్రాన్ని శ్రీవెంకటేశ్వర క్రియేషన్స్‌, పీవీపీ సినిమా, వైజయంతి మూవీస్‌ బ్యానర్లపై దిల్‌రాజు, పొట్లూరి ప్రసాద్‌, అశ్విని దత్‌ సంయుక్తంగా నిర్మించారు. అయితే ఈ చిత్రం విడుదలైన నాలుగు రోజుల్లోనే రూ.100 కోట్ల వసూళ్లు రాబట్టింది. ఈ చిత్రం మేకింగ్ వీడియోపై ఓసారి లుక్కేయండి..
