తెలుగుదేశం పార్టీకి చెందిన లోక్‌సభ సభ్యుడు గల్లా జయదేవ్ కుమారుడు గల్లా అశోక్ వెండితెర హీరోగా పరిచయంకానున్నాయి. ఈయనతో ప్రముఖ నిర్మాత దిల్ రాజు అదే నువ్వు.. అదే నేను అనే చిత్రాన్ని నిర్మించనున్నారు. ఈ చిత్రానికి శశి అనే దర్శకుడు కొత్తగా టాలీవుడ్‌కు పరిచయంకానున్నాడు. న‌భా న‌టాషా క‌థానాయిక‌గా న‌టిస్తుంది.
ఈ చిత్ర ప్రారంభోత్సవ కార్యక్రమం బుధవారం హైదరాబాద్‌లో జరుగగా, ఈ కార్య‌క్ర‌మానికి సూప‌ర్ స్టార్ కృష్ణ,రాఘ‌వేంద్ర‌రావు, మంజుల, దిల్ రాజు తదితరులు హాజ‌ర‌య్యారు. హిప్ హాప్ త‌మీజా సంగీతం అందిస్తున్న ఈ చిత్రానికి "అదే నువ్వు అదే నేను" అనే టైటిల్ ఫిక్స్ చేశారు. చిత్రానికి తొలిక్లాప్ కృష్ణ కొట్టారు. అతి త్వ‌ర‌లోనే మూవీ సెట్స్‌పైకి వెళ్ళ‌నుంది.
అశోక్ కొన్నాళ్ళుగా అమెరికాలోని ఓ ఇన్‌స్టిట్యూట్‌లో న‌ట‌న‌కి సంబంధించిన శిక్ష‌ణ తీసుకుంటున్నాడు. అశోక్ చిత్రం శ్రీలంకలోని అందమైన ప్రదేశాల్లో చిత్రీకరణ జరుపుకోనుంది. కాగా, సూప‌ర్ స్టార్ కృష్ణ ఫ్యామిలీతో సంబధం ఉన్న కుటుంబం నుంచి వస్తున్న మరో హీరో అశోక్ గల్లా.
