ఈ ఫోటోలో దీపికా, రణ్వీర్, సందీప్, సంజయ్ లీలా భన్సాలీతోపాటు మరికొంత మంది ఉన్నారు. అందులో సందీప్ పక్కన కూర్చున్న వ్యక్తి దావూద్ అని .. జస్టిస్ ఫర్ సుశాంత్‌సింగ్ రాజ్‌పుత్ అనే పేరుతో క్రియేట్ అయిన ఓ గ్రూప్ పోస్ట్ చేసింది. 2013లో దీపికా పదుకొణె, రణ్వీర్ సింగ్ జంటగా నటించిన 'గోలియోంకి రాస్‌లీలా రామ్‌లీలా' సినిమా షూటింగ్ సందర్భంగా ఏర్పాటు చేసిన విందు కార్యక్రమంలో ఈ ఫోటో దిగగా, అందులో దావూద్ ఉన్నాడనే సరికి అందరూ షాకవుతున్నారు.
అసలు విషయం ఏమంటే ఈ ఫోటోని సందీప్ సింగ్ ఈ ఏడాది మేలో తన ఇన్‌స్టాగ్రామ్‌లో పోస్ట్ చేశాడు. అందులో ఉన్న వ్యక్తుల పేర్లు కూడా రాశాడు. ఆ ఫొటోలో దీపికా, రణ్వీర్, సంజయ్ లీలా భన్సాలీ , ఆర్ వర్మన్‌, వాసిక్ ఖాన్ తదితరులు ఉన్నారు. అయితే బాలీవుడ్ ఆర్ట్ డైరెక్టర్ వాసిక్ ఖాన్‌ని దావూద్ అంటూ ప్రచారం చేస్తుండడంతో దీపికా, రణ్వీర్ అభిమానులు ఫైర్ అవుతున్నారు.
