వేసవిలో పెద్దబ్బాయి చైతన్య మజిలీతో వచ్చాడని, మొన్న కోడలు పిల్ల సమంత బేబీ అంటూ వచ్చిందని.. ఇక ఆగస్టు తొమ్మిదో తేదీన తాను వస్తున్నానని.. ఇక చైతూ, సమంత ఫసక్ అంటూ కింగ్ నాగార్జున సరదాగా అన్నారు
మన్మథుడు2 సినిమా కథ ఓ ఫ్రెంచ్ సినిమా నుంచి తీసుకున్నట్టు చెప్పారు. కథ వినగానే.. తానేంటి ఈ వయసులో లవ్ స్టోరీ ఏంటి అనుకున్నానని వెల్లడించారు. అయితే ఇది తన వయసుకు తగ్గ సినిమా అని.. ప్రేమకు, రొమాన్స్‌కు వయసు లేదని చెప్పే సినిమా అన్నారు.
ఒరిజినల్ మన్మథుడుకి ఆడవాళ్లంటే పడదు అని.. కానీ ఈ మన్మథుడికి ఆడవాళ్లంటే ఇష్టమని నాగ్ చెప్పారు. కాగా, నాగార్జున, రకుల్ ప్రీత్ సింగ్ జంటగా రాహుల్ రవీంద్రన్ దర్శకత్వంలో తెరకెక్కిన మన్మథుడు 2 ఈ శుక్రవారం ప్రేక్షకుల ముందుకు రాబోతోంది.
ఈ సినిమా ప్రమోషన్‌లో భాగంగా ఆదివారం హైదరాబాద్‌లో ప్రీ రిలీజ్ ఈవెంట్ నిర్వహించారు. ఈ వేడుకకు నటీనటులు నాగార్జున, రకుల్ ప్రీత్ సింగ్, నాగచైతన్య, సీనియర్ నటి లక్ష్మి, అమల, వెన్నెల కిషోర్, తదితరులు హాజరయ్యారు.
