మలయాళంలో మోహ‌న్ లాల్, మీనా ప్ర‌ధాన పాత్ర‌ల‌లో జీతూ జోసెఫ్ దృశ్యం 2ను తెరకెక్కించారు. ఈ విభిన్న‌మైన థ్రిల్ల‌ర్‌గా ప్రేక్ష‌కుల ముందుకు వచ్చిన ఈ చిత్రం ప్రేక్ష‌కుల‌ని అల‌రించ‌డ‌మే కాకుండా విమ‌ర్శ‌కుల ప్ర‌శంస‌లు అందుకుంది.
ఇప్పుడు దృశ్యం 2 చిత్రాన్ని తెలుగులోను రీమేక్ చేస్తుండ‌గా, మలయాళ మాతృకకు దర్శకత్వం వహించిన జీతూ జోసెఫ్ తెలుగు సీక్వెల్‌కు నిర్దేశక బాధ్యతల్ని తీసుకున్నారు. డి.సురేష్‌బాబు, ఆంటోని పెరుంబపూర్‌, రాజ్‌కుమార్‌ సేతుపతి నిర్మిస్తున్నారు.
జీతూ జోసెఫ్ తెలుగు ‘దృశ్యం 2’తో దర్శకుడిగా తెలుగుకి పరిచయం కానుండ‌గా, ఇందులో నదియా, నరేష్‌, ఏస్తర్ ముఖ్య పాత్ర‌లు పోషిస్తున్నారు. ఈ చిత్రానికి సినిమాటోగ్రఫీ సతీష్‌ కురూఫ్‌, సంగీతం అనూప్‌ రూబెన్స్ అందిస్తున్నారు.
