మరోవైపు కేవలం ప్రీమియర్స్ వసూళ్లు మాత్రమే కాదు.. రివ్యూలన్నీ పాజిటివ్‌గా రావడం, ఈ సినిమాకు అదిరిపోయే రేటింగ్ రావడంతో వీకెండ్ కలెక్షన్లు కూడా అదిరిపోయే అవకాశాలున్నాయి. తొలి వీకెండ్‌లోపే ఈ సినిమా యూఎస్‌లో మిలియన్ డాలర్ల వసూళ్ల మార్కును అందుకునే అవకాశాలున్నట్లు తెలుస్తోంది. ఈ నేపథ్యంలో సావిత్రి జీవితచరిత్రను ''మహానటి'' పేరుతో దర్శకుడు నాగ్ అశ్విన్ తెరకెక్కించాడు. ఈ సినిమాను అశ్వనీదత్ కుమార్తెలు స్వప్నదత్, ప్రియాంక దత్‌లు నిర్మించారు.
ఈ చిత్రానికి ప్రముఖుల నుంచి అభినందనలు వెల్లువెత్తుతున్న తరుణంలో మెగాస్టార్ చిరంజీవి, తాజాగా నాగ్ అశ్విన్‌తో పాటు ప్రియాంక దత్.. స్వప్నదత్‌లను తన ఇంటికి ఆహ్వానించారు. ''మహానటి''ని అందంగా.. హృద్యంగా ఆవిష్కరించడంలో విజయవంతమయ్యారని, తెలుగు చిత్రపరిశ్రమ గర్వించదగిన ప్రయత్నం చేసినందుకు అభినందిస్తూ సత్కరించారు. కాగా కీర్తి సురేశ్ ప్రధానమైన పాత్రను పోషించిన మహానటి సినిమా మే 9వ తేదీన ప్రేక్షకుల ముందుకు వచ్చిన సంగతి తెలిసిందే. చూడండి వీడియో..
