'సైరా నరసింహారెడ్డి' అనే టైటిల్‌తో తెరకెక్కబోతోన్న ఈ సినిమా గురించి రకరకాలు వార్తలు హల్‌చల్ అవుతున్నాయి. ఇప్పటికే ప్రారంభం కావలసిన ఈ సినిమా, చరిత్ర ప్రధానాంశంతో తెరకెక్కనుండడం వల్ల ముందుగానే అన్ని జాగ్రత్తలు తీసుకోవాలనే నిర్ణయంతో ఆలస్యమవుతోంది.
ముఖ్యంగా, ఈ చిత్రం కోసం హీరో చిరంజీవి ఎన్నో ప్రత్యేక జాగ్రత్తలు తీసుకుంటున్నారు. మెయిన్ ఈ సినిమాకి చిరంజీవే కావడంతో తన నుంచి ఎటువంటి రీమార్క్ ఉండకూడదని చాలా కేర్ తీసుకుంటున్నారు. ముఖ్యంగా తన ఫిటెనెస్‌పై ప్రత్యేక శ్రద్ధ పెట్టారు.
ఈ సినిమా కోసం మెగాస్టార్ చాలా కష్టపడుతున్నారు. రీసెంట్‌గా దర్శనమిస్తున్న ఈ ఫొటోని చూస్తుంటే చిరు ఎంత కష్టపడుతున్నారో ఇట్టే తెలుసుకోవచ్చు. 60 యేళ్ల వయసు దాటినా కూడా చేయబోతుంది యోధుడి పాత్ర కావడంతో.. ఆ లుక్ కోసం యోధుడిలా కష్టపడుతున్నారు. ఉయ్యాలవాడ నరసింహారెడ్డి పాత్రకు సరిపడ బాడీ షేప్‌ను చిరు ఇప్పటికే పొందినట్లుగా ఈ ఫొటో చెప్పేస్తోంది
