ఈ వ్యభిచార దందా వెలుగు చూసిన సమయంలోనే టాలీవుడ్ హీరోయిన్ మెహరీన్ అమెరికాకు వెళ్లింది. దీంతో ఆమెను అమెరికా పోలీసులు ఎయిర్‌పోర్టులో గంటల తరబడి నిలబెట్టి విచారణ జరిపారు. ఈ విషయాన్ని ఆమె నిజాయితీగా వెల్లడించింది. కానీ సోషల్ మీడియాలో మాత్రం ఈ వ్యభిచార దందాలో మెహరీన్‌కు కూడా పాత్ర ఉన్నట్టు వార్తలు రాసింది.
ఈ వార్తలపై మెహరీన్ స్పందిస్తూ, జరిగిన సంఘటనని నిజాయితీగా చెప్పినందుకు తనని అనవసర వివాదాల్లోకి లాగుతున్నారనీ, మీడియా కూడా ఈ విషయంలో తన పరువు తీస్తోందని వాపోయింది. అమెరికా వ్యభిచార దందాలో తనను ఇరికించి వార్తలు ప్రసారం చేయడం ఎంత వరకు సబబు? అని ఆమె ఆవేదన వ్యక్తం చేస్తోంది. తనకు ఏ మాత్రం సంబంధం లేని విషయంలో తనని చేర్చడం తనకు చాలా బాధను కలిగించిందని మెహరీన్ వాపోయింది.
