ప్రపంచ వ్యాప్తంగా సినీ ప్రేక్షకుల మదిని దోచిన ''బాహుబలి'' సినిమాకు సంగీత దర్శకుడిగా కీరవాణి పనిచేశారు. ఈ చిత్రానికి జక్కన్న దర్శకుడు. అనుష్క, ప్రభాస్, తమన్నా, రానా, నాజర్, రమ్యకృష్ణ తదితరులు ఈ చిత్రంలో కీలక పాత్రలో కనిపించారు. ఈ సినిమా విడుదలై ఎన్నో నెలలు గడిచినా ఆ సినిమాపై నెటిజన్లు మాట్లాడుకుంటూనే వున్నారు.
అక్కినేని నాగేశ్వరరావు నటించిన 'కీలుగుర్రం' బీజీఎంను కీరవాణి కాపీ చేశారని నెటిజన్లు వీడియోలతో పాటు పోస్టులు పెట్టేశారు. ఇందుకు సంబంధించిన ఓ వీడియో ఆ రెండు సన్నివేశాలనూ చూపుతూ నెట్టింట వైరల్ అవుతోంది. తాము కాపీ చేయడం లేదని, అది కేవలం స్ఫూర్తి మాత్రమేనని వివరణ ఇచ్చినా వీడియో మాత్రం వైరల్ అవుతూనే వుంది. ఈ వీడియోను మీరూ ఓ లుక్కేయండి.
