నమిత. అటు తెలుగు, ఇటు తమిళ భాషల్లో ప్రేక్షకులు బాగా పరిచయమున్న హీరోయిన్. ముద్దుగా, బొద్దుగా ఉండే నమితకు ఫ్యాన్స్ చాలామందే ఉన్నారు. వయస్సు పైబడిన నేపధ్యంలో ఇక నమిత వివాహం చేసుకోదేమోనని అనుకున్నారు. కానీ ఆమెకు తగ్గ జోడి దొరక్కపోవడంతో నమిత వెనక్కి తగ్గి వివాహం చేసుకోవడంలో ఆలస్యం చేశారు. అయితే తమిళ బిగ్ బాస్ షోలో పరిచయమైన హీరో, నిర్మాత వీరేంద్ర చౌదరితో ప్రేమాయణం నడిపిన నమిత చివరకు పెళ్ళి వరకు వచ్చింది.
నిన్న తిరుపతిలోని ఒక ప్రైవేటు హోటల్లో ఎంతో ఆర్భాటంగా నమిత, వీరేంద్ర చౌదరి వివాహ లైట్ మ్యూజిక్ కార్యక్రమం జరిగింది కానీ ఎవరూ హాజరు కాలేదు. పేలవంగా కేవలం 20 మంది మాత్రమే ఈ కార్యక్రమానికి వచ్చారు. లైట్ మ్యూజిక్ కాస్త సైలెంట్ మ్యూజిక్‌ను తలపించింది.
వీరేంద్ర చౌదరి బంధువులు 10 మంది, నమిత బంధువులు మరో 10మంది మాత్రమే వేడుకలో కనిపించారు. తమిళనాడు నుంచి అధికసంఖ్యలో నమిత ఫ్యాన్స్ వచ్చినా ఎవరినీ లోపలికి అనుమతించలేదు. దీంతో అభిమానులు వెనక్కి తిరిగి వెళ్ళిపోయారు. అనుకున్న సమయంకన్నా ముందుగా మధ్యాహ్నమే లైట్ మ్యూజిక్ కార్యక్రమం కాస్త పూర్తయ్యింది. కాగా 24వ తేదీన ఇస్కాన్ ఆలయంలో నమిత వివాహం జరుగనుంది.
