''జిమ్మిక్కీ క‌మ్మాల్'' పాటకు మోహన్ లాల్ స్టెప్స్-వీడియో చూడండి

మలయాళ నటుడు మోహన్ లాల్ జిమిక్కీ కమ్మాల్ పాట సోషల్ మీడియాలో వైరల్ అవుతోంది. ఈ పాటను ఓనమ్ సందర్భంగా నెటిజన్లు తెగ నచ్చేసిందంటూ పోస్టులు చేశారు. ఆపై ఈ పాటకు స్టెప్పులేస్తూ మరికొందరు సోషల్ మీడియాలో పోస్టు చేశారు. అప్పటి నుంచి ఈ పాట సోషల్ మీడియా ట్రెండ్స్‌లో చోటుసంపాదించుకుంది. 

మ‌ల‌యాళ న‌టుడు మోహ‌న్‌లాల్ న‌టించిన ''వెలిపాడిందే పుస్త‌గం'' చిత్రంలోని ''జిమ్మిక్కీ క‌మ్మాల్'' పాటకు ప్రతి ఒక్కరూ స్టెప్పులేసి వీడియోలను సోషల్ మీడియాలో పోస్టు చేస్తున్నారు. వారిలో కొంత‌మంది అభిమానులు హీరో మోహ‌న్‌లాల్‌ని కూడా ఈ పాట‌కు డ్యాన్స్ వేయాల‌ని కోరారు.

నిజానికి ఈ సినిమాలో హీరో ఆయ‌నే అయిన‌ప్ప‌టికీ ఈ పాట‌లో ఆయ‌న డ్యాన్స్ చేస్తూ కనిపించే సన్నివేశాలుండవు. కానీ పాటకు చివర్లో మాత్రం మోహన్ లాల్ సైకిల్ నడుపుతూ కనిపిస్తారు. అందుకే ఫ్యాన్స్ ఆయనకు ఈ పాటకు స్టెప్పులేసి వీడియో పోస్టు చేయమని సవాల్ చేశారు. 

ఆ ఛాలెంజ్‌కు మోహన్ లాల్ సరైన సమాధానం చెప్తూ.. పాటకు స్టెప్పులేసి వీడియోను త‌న ఫేస్‌బుక్ అకౌంట్లో పోస్ట్ చేశారు. ప్ర‌స్తుతం ఈ వీడియో వైర‌ల్‌గా మారింది. పోస్ట్ చేసిన 19 గంటల్లోనే ల‌క్షా డెబ్బై వేల‌కు పైగా లైకులు, 90వేల‌కు పైగా షేర్లు, 5,145,021 వ్యూస్ నమోదైనాయి. ఈ వీడియోను మీరూ చూడండి..