ఇప్పటికే చాలామంది నట వారసులు సినిమాల్లో ఎంట్రీ ఇచ్చి హీరోగా ప్రూవ్ చేసుకున్నారు. ఒక బాలకృష్ణ విషయానికొస్తే.. ఆయన హీరోగా 14 ఏళ్లకే ఎంట్రీ ఇచ్చి.. 25 ఏళ్లకే స్టార్ హీరోగా గుర్తింపు తెచ్చుకున్న సంగతిని నందమూరి అభిమానులు గుర్తు చేసుకుంటున్నారు. కానీ నందమూరి ఫ్యామిలీ నుంచి ఎన్టీఆర్, కళ్యాణ్ రామ్ తర్వాత ఇంత వరకు ఏ హీరో కూడా టాలీవుడ్‌లో ఎంట్రీ ఇవ్వలేదు.
నందమూరి ఫ్యామిలీ నుంచి హీరో వచ్చిన పదిహేనేళ్లు కావొస్తోంది. అదే చిరంజీవికి చెందిన మెగా ఫ్యామిలీ నుంచి డజను పైగా హీరోలు ఎంట్రీ ఇచ్చారు. ఇప్పటికీ మెగా వారసుల ఎంట్రీ కొనగుతూనే ఉంది. అలాంటిది మోక్షజ్ఞ సినీ ఎంట్రీ ఎప్పుడోనని నందమూరి ఫ్యాన్స్ ఆత్రుతతో ఎదురుచూస్తున్నారు. మరి మోక్షజ్ఞ బరువు తగ్గి సినిమాల్లోకి ఎప్పుడు ఎంట్రీ ఇస్తాడో వేచి చూడాలి.
