బాలీవుడ్ హీరోయిన్, ఐటమ్ సాంగ్స్ హాట్ బాంబ్ కోయినా మిత్రా పోలీసులకు ఫిర్యాదు చేసింది. గడిచిన వారం రోజుల్లో 50 ఫోన్ నెంబర్ల నుంచి తనకు కాల్స్ వచ్చాయని, తొలుత కాల్స్‌ను పట్టించుకోలేదని కానీ వేధింపులు మరింత ఎక్కువ కావడంతో పోలీసులకు ఫిర్యాదు చేయాల్సి వచ్చిందని చెప్పింది.
రాత్రికి వస్తే డబ్బిస్తానని నీచంగా మాట్లాడుతున్నారని తెలిపింది. కోయినా మిత్రా ఫిర్యాదుపై పోలీసులు ఐపీసీ సెక్షన్ 509 కింద కేసు నమోదు చేశారు. కాల్స్ వచ్చిన నెంబర్ల ఆధారంగా విచారిస్తున్నామని పోలీసులు తెలిపారు. కాగా, రోడ్, హే బేబీ, ముసాఫిర్, ఏక్ హసీనా ఏక్ ఖిలాడీ తదితర చిత్రాలతో పాటు, పలు బాలీవుడ్ సినిమాల్లో కోయినా మిత్రా ఐటం సాంగ్స్ చేసి పాప్యులర్ అయింది.
