ఈ పిక్‌ను సమంత పోస్ట్ చేసి ప్రియుడిపై ప్రేమ‌ను మ‌రోసారి చాటి చెప్పింది. ‘లవ్‌ ఆఫ్‌ మై లైఫ్‌’ అనే హ్యాష్‌ట్యాగ్ కూడా జ‌త చేసింది. ఈ పిక్ చూసిన వారంతా జంట చూడ ముచ్చ‌ట‌గా ఉంది, పెళ్లి చేసుకుని నిండు నూరేళ్లు సంతోషంగా జీవించాలని దీవిస్తున్నారు.
ఇకపోతే.. సమంత తమిళ సినిమాల్లో న‌టిస్తుండ‌గా చైతూ కల్యాణ్ కృష్ణ దర్శకత్వంలో ఓ సినిమాలో న‌టిస్తున్నాడు. వీరి పెళ్లి వేడుక కోసం వారి అభిమానులు ఎదురుచూస్తున్నారు. చైతూ, సమంత ఏ మాయ చేసావె సినిమా ద్వారా తెరంగేట్రం చేశారు. ఈ సినిమా నుంచి వీరిద్దరి మధ్య ప్రేమ పుట్టిందని.. ఆ ప్రేమ పెళ్ళి వరకు వచ్చింది. త్వరలో ఈ జంట ఒకటి కానుందని ఫ్యాన్స్ పండగ చేసుకుంటున్నారు.
