న‌న్నుదోచుకుందువ‌టే సినిమాతో నిర్మాత‌గా మారాడు హీరో సుధీర్ బాబు. నూత‌న ద‌ర్శ‌కుడు ఆర్.ఎస్.నాయుడు తెర‌కెక్కించిన ఈ సినిమాకి రివ్యూ రైట‌ర్స్ చాలామంది మంచి రేటింగే ఇచ్చారు. సినీ ప్ర‌ముఖులు మ‌హేష్ బాబు, రాఘవేంద్ర‌రావు, ఇంద్ర‌గంటి మోహ‌న‌కృష్ణ త‌దిత‌రులు ఈ మూవీపై ప్ర‌శంస‌ల వ‌ర్షం కురిపించారు. సినిమా కూడా చాలా స‌హ‌జంగా ఫ్యామిలీతో క‌లిసి చూసి ఆనందించేలా ఉంది. అయితే... క‌లెక్ష‌న్స్ మాత్రం రావ‌డం లేదు.
ఈ సినిమా 21న రిలీజైంది. ఆ రోజు హాలీడే. అయిన‌ప్ప‌టికీ క‌లెక్ష‌న్స్ ఆశించిన స్థాయిలో రాలేదు. పోనీ.. శ‌నివారం నుంచి బాగుంటాయి అనుకుంటే... శ‌నివారం, ఆదివారం కూడా ఏమాత్రం పుంజుకోలేదు. చిత్రం ఏంటంటే... గ‌త వారం రిలీజైన నాగ‌చైత‌న్య శైల‌జారెడ్డి అల్లుడు చిత్రానికి ఈవారం క‌లెక్ష‌న్స్ బాగున్నాయి.
