అమెరికాలోని న్యూయార్క్ నగరం, మ్యాన్‌హాట్టన్ ఏరియాలో ఉగ్రదాడి జరిగింది. ఈ దాడి బాలీవుడ్ నటి ప్రియాంకా చోప్రా నివసించే ఇంటికి సమీపంలో చోటుచేసుకుంది. ఇసిస్ సంస్థకు చెందిన ఉగ్రవాది ఒకరు అల్లాహూ అక్బర్ అంటూ ట్రక్కుతో దాడికి తెగబడిన విషయం తెల్సిందే. ఈ దాడిలో 8 మంది మృతి చెందగా, మరో 11 మంది వరకు గాయపడ్డారు. ఈ దాడి ప్రియాంకా చోప్రా ఇంటికి అతి సమీపంలో జరిగింది.
ఈ దాడిపై బాలీవుడ్ నటి ట్వీట్ చేసింది. తాను నివసిస్తున్న ఇంటికి సమీపంలోనే ఈ దాడి జరిగింది. తన పనిని పూర్తి చేసుకుని ఇంటికి బయలుదేరిన వేళ ఆ ప్రాంతమంతా సైరన్ల మోతతో హోరెత్తుతుంటే హడలిపోయానని, ఈ భయానక ఉగ్రదాడి జరగడంతో తాను షాక్‌కు గురైనట్టు ఆమె ట్విట్టర్ ఖాతాలో ట్వీట్ చేసింది. అంతేకాదు ఉగ్రవాదులు పేలుళ్లకు పాల్పడిన తర్వాత "అల్లాహు అక్బర్" అని అరుస్తూ వెళ్తున్నారని స్థానికుల ద్వారా తనకు తెలిసిందని ఆమె పేర్కొన్నారు.
