ఎన్టీఆర్ బయోపిక్ చిత్రానికి సంబంధించి ఫస్ట్ లుక్ టీజర్‌ను ఆ చిత్ర నిర్మాత, హీరో నందమూరి బాలకృష్ణ రిలీజ్ చేశారు. పైగా, ఈ చిత్రాన్ని 2019 సంక్రాంతికి విడుదల చేయనున్నట్టు ప్రకటించారు.
ఇదే అంశంపై విజయవాడలో జరుగుతున్న తెలుగుదేశం పార్టీ మహానాడు ప్రాంగణం వద్ద విలేకరులతో మాట్లాడుతూ, ఎన్టీఆర్ జీవిత చరిత్ర తెరచిన పుస్తకమేనని, అందువల్ల సినిమాను ఎక్కడ నుంచి ప్రారంభించాలో, ఎక్కడ ముగించాలో తనకు బాగా తెలుసునని అన్నారు.
ఈ సినిమాకు దర్శకత్వం వహించేందుకు క్రిష్ అంగీకారం తెలియజేయడం తనకెంతో ఆనందాన్ని కలిగించిందని అన్నారు. ఈ సినిమా ట్రైలర్‌కు అభిమానులు, సినీ ప్రేక్షకుల నుంచి మంచి ఆదరణ లభించిందన్నారు. ఈ సినిమా ఎన్టీఆర్ గురించి అభిమానులకు తెలియని కొన్ని విషయాలను కూడా ప్రస్తావిస్తుందని బాలకృష్ణ వెల్లడించారు.
