ఎన్టీఆర్ బ‌యోపిక్‌లో న‌టిస్తోన్న ద‌ర్శ‌కుడు.!

నంద‌మూరి తార‌క రామారావు జీవిత క‌థ‌తో అత్యంత ప్ర‌తిష్టాత్మ‌కంగా రూపొందుతోన్న ఎన్టీఆర్ మూవీ శ‌ర‌వేగంగా షూటింగ్ జ‌రుపుకుంటోంది. జాగ‌ర్ల‌మూడి క్రిష్ ద‌ర్శ‌క‌త్వంలో రూపొందుతోన్న ఈ సినిమా ప్ర‌స్తుతం హైద‌రాబాద్‌లో షూటింగ్ జ‌రుపుకుంటోంది. ఎన్.బి.కె ఫిల్మ్స్ బ్యాన‌ర్ పైన నంద‌మూరి బాల‌కృష్ణ ఈ చిత్రాన్ని నిర్మిస్తున్నారు. బాలీవుడ్ భామ విద్యాబాల‌న్ బ‌స‌వ‌తార‌కం పాత్ర పోషిస్తుంటే.. సుమంత్ అక్కినేని పాత్ర పోషిస్తున్నారు. చంద్ర‌బాబు నాయుడు పాత్ర‌లో ద‌గ్గుబాటి రానా న‌టిస్తున్నారు.

లేటెస్ట్ న్యూస్ ఏంటంటే... ఈ చిత్రంలో విఠ‌లాచార్య పాత్ర‌ను ఓ ద‌ర్శ‌కుడు పోషిస్తున్నారు. ఇంత‌కీ ఆ డైరెక్ట‌ర్ ఎవ‌రంటారా..? ఎన్.శంక‌ర్. అవును ఇది నిజంగా నిజం. ఇటీవ‌ల ఎన్.శంక‌ర్ పైన ఈ సినిమా కోసం కొన్ని స‌న్నివేశాల‌ను చిత్రీక‌రించార‌ని తెలిసింది. డిసెంబ‌ర్ నెల నాటికి ఈ సినిమా షూటింగ్  పూర్తి చేయాల‌నే ప్లాన్‌తో టీమ్ వ‌ర్క్ చేస్తున్నారు. సంక్రాంతి కానుక‌గా జ‌న‌వ‌రి 9న ఈ చిత్రాన్ని రిలీజ్ చేయ‌డానికి ప్లాన్ చేస్తున్నారు. ఈ సినిమాపై భారీ అంచ‌నాలు ఉన్నాయి. మ‌రి.. ఎలాంటి రికార్డులు సృష్టిస్తుందో చూడాలి.