పాకిస్థానీ నటి వీణామాలిక్ భర్త నుంచి విడాకుల తీసుకుంది. బాలీవుడ్ హీరో సల్మాన్ ఖాన్ బిగ్ బాస్ షోతో భారత ప్రేక్షకులకు పరిచయమైన సంగతి తెలిసిందే. ఈ షోతో ఆమెకు పాపులారిటీ రావడంతో బాలీవుడ్ అవకాశాలు అమ్మడి తలుపులు తట్టాయి. పలు సినిమాల్లో శృంగార పాత్రల్లో నటించిన వీణా మాలిక్.. తన అందచందాలతో ప్రేక్షకులను అలరించింది. ఆ తర్వాత అసద్ ఖటక్ అనే వ్యాపారవేత్తను 2013లో పెళ్లి చేసుకుంది.
అనంతరం పూర్తిగా కుటుంబానికే అంకితమైంది. కానీ గత కొంతకాలంగా మళ్లీ సినిమాల్లో నటించేందుకు వీణా మాలిక్ ప్రయత్నిస్తోంది. కానీ సినిమాల్లో నటించేందుకు భర్త, ఆయన కుటుంబ సభ్యులు ఆమెకు అడ్డు తెలిపారు. దీంతో ఆయన నుంచి విడిపోయేందుకు అమ్మడు సిద్ధమైంది.
విడాకుల కోసం లాహోర్ కోర్టును ఆశ్రయించింది. ఈ క్రమంసో అసద్‌కు కోర్టు సమన్లు పంపింది. ఆ సమన్లకు అసద్ స్పందించని పక్షంలో వీణామాలిక్‌కు అనుకూలంగా కోర్టు తీర్పునిచ్చింది. చట్టపరంగా విడాకులు మంజూరు చేసింది. దీంతో వీణామాలిక్‌కు లైన్ క్లియర్ అయ్యింది. ఇకపై వీణా మాలిక్ బాలీవుడ్ సినిమాల్లో నటించేందుకు సిద్ధమవుతున్నట్లు సమాచారం.
