బాలీవుడ్ శృంగార తార పూనమ్ పాండే మరణం ఎంతో మంది అభిమానులను విషాదంలోకి నెట్టింది. సర్వికల్ క్యాన్సర్ వ్యాధితో పోరాడుతున్న ఆమె శుక్రవారం తుదిశ్వాస విడిచారనే విషయం సినీ ప్రముఖులను, సన్నిహితులు, శ్రేయోభిలాషులను తీవ్ర దిగ్బ్రాంతికి గురిచేసింది. ఆమె మరణానికి లక్షలాది మంది సోషల్ మీడియాలో తమ సంతాపాన్ని తెలిపారు. అయితే తాజాగా పూనమ్ పాండే మరణం క్యాన్సర్ వల్ల కాదనే వార్త మీడియాలో చక్కర్లు కొడుతుంది.
కొద్దికాలంగా ఆమె సర్వికల్ క్యాన్సర్‌తో బాధపడుతూ చికిత్స పొందుతున్నారు. చాలా రోజులుగా మీడియాకు దూరమైంది. పలుమార్లు ఆమె స్వచ్ఛంద సేవలో పాల్గొన్న వీడియోలు సోషల్ మీడియాలో వైరల్ అయ్యాయి. ఇటీవల జై శ్రీరాం అంటూ పేదలకు కిట్స్ పంచిన విషయం ట్రెండింగ్‌గా మారింది. అయితే అనూహ్యంగా ఆమె అకాల మరణం పొందడం విచారకరంగా మారింది.
