ఒకవైపు ఓం రౌత్ ఆదిపురుష్‌తో పాటు స్టార్ దర్శకుడు ప్రశాంత్ నీల్‌తో సలార్ సినిమాకు గ్రీన్ సిగ్నల్ ఇచ్చాడు. ముందుగా ప్రభాస్ తన సరికొత్త సినిమా రాధేశ్యామ్ పూర్తయిన వెంటనే ఆదిపురుష్ మొదలు పెట్టాల్సిఉంది. ఈ సినిమా దాదాపు రూ.300ల కోట్ల బడ్జెట్‌తో రూపొందనుంది. అదేస్థాయిలో ఈ సినిమాపై అంచనాలు కూడా తారా స్థాయిలో ఉన్నాయి.
అయితే ఈ సినిమా రెగ్యులర్ షూటింగ్ ఈ నెల 19 నుంచి ప్రారంభం కానుంది. ఈ సినిమా మొదటి షెడ్యూల్‌లో ప్రధాన పాత్రలు ప్రభాస్, సైఫ్ అలీ ఖాన్‌లు బిజీ కానున్నారట. వీరితో పాటు మరికొందరు సీనియర్ స్టార్ నటులు కూడా ఈ షెడ్యూల్‌లో పాల్గొననున్నారు. ఈ చిత్రీకరణ ముంబై ఫిల్మ్ స్టూడియోలో చేయనున్నారని సమాచారం.
