ఎన్‌.టి.ఆర్‌., రామ్‌చ‌ర‌ణ్‌, కాంబినేష‌న్‌లో రాజ‌మౌళి ద‌ర్శ‌క‌త్వంలో రూపొందుతోన్న సినిమా `ఆర్‌.ఆర్‌.ఆర్‌.`. ఈ సినిమా ఐదు భాష‌ల‌కు చెందిన ఎల‌క్ట్రానిక్‌, డిజిట‌ల్, శాటిలైట్‌ హక్కులను పెన్ స్టూడియోస్ అధినేత జ‌యంతీలాల్ గ‌డా స్వాధీనం చేసుకున్నార‌నేది వెబ్దునియా పాఠ‌కుల‌కు తెలిసిందే. దీన్ని ధృవీక‌రిస్తూ బుధ‌వారంనాడు పెన్ మూవీస్ అధికార ప్ర‌క‌ట‌న విడుద‌ల చేసింది.ఇప్పటివరకు సినిమా విడుద‌ల‌కు ముందు ఏ భారతీయ చిత్రానికి జ‌ర‌గ‌ని అతిపెద్ద డీల్ అంటూ పోస్ట్ చేసింది ఆ సంస్థ. ఎంత మొత్తానికి కొన్న‌ది అనేది వెలువ‌రించ‌లేదు.
