జూనియర్ ఎన్ టిఆర్ నందమూరి కుటుంబంతో సినీరంగ ప్రవేశం చేసిన జూనియర్ ఎన్‌టిఆర్ ఆ తరువాత వెనుతిరిగి చూడనేలేదు. తెలుగు చిత్రసీమలో తనకంటూ ఒక ప్రత్యేక గుర్తింపును సంపాదించుకున్నారు జూనియర్ ఎన్‌టిఆర్. జూనియర్‌కు ఎన్ని హిట్లో.. అన్ని ఫ్లాప్‌లు కూడా ఉన్నాయి. ఈ మధ్యకాలంలో పెద్దగా చెప్పుకోదగ్గ సినిమాలు జూనియర్‌కు లేవు. దీంతో ఏం చేయాలో పాలుపోక.. ఒక దర్శకుడిని జూనియర్ పట్టుకున్నారట. ఆయనే రాజమౌళి. సింహాద్రి, యమదొంగతో తెలుగు చిత్రసీమలో తనకంటూ ఒక ఇమేజ్‌ను తెచ్చిపెట్టారు రాజమౌళి. ఆ తరువాత రాజమౌళితో సినిమాలను తీయనేలేదు. జూనియర్‌కు అంతటి స్థాయిలో విజయాలు కూడా పెద్దగా లేవు.
బాహుబలి సినిమాల్లో బిజీగా ఉన్న రాజమౌళి ఆ తరువాత ఏ హీరోతో పెద్దగా మాట్లాడలేదు. వేరే సినిమాల వైపు ఆలోచన పెట్టలేదు. 5సంవత్సరాలు బాహుబలికే అంకితమైపోయారు. కానీ బాహుబలి సినిమా ఘూటింగ్ జరిగే సమయంలోనే జూనియర్ రాజమౌళిని చాలాసార్లు కలిసి సినిమా తీయమని రిక్వెస్ట్ చేశారట. అయితే తరువాత మాట్లాడదామని రాజమౌళి చెప్పడంతో జూనియర్ ఆ తరువాత కలువలేదు.
కానీ బాహుబలి-2సినిమా విడుదలై రాజమౌళి ఫ్రీగా ఉండటంతో రెండురోజుల క్రితం రాజమౌళి ఇంటికి వెళ్ళిన జూనియర్ మరోసారి మాట్లాడారట. మీ కోసం కథను కూడా సిద్ధం చేశానని, త్వరలో సినిమా తీద్దామని జూనియర్‌కు చెప్పారట రాజమౌళి. దీంతో జూనియర్ ఎగిరి గంతేసే పనిచేసి చివరకు థ్యాంక్స్ చెప్పి వెళ్ళిపోయారట. జూనియర్ ఎన్‌టిఆర్, రాజమౌళి మధ్య వస్తున్న సినిమా అభిమానుల ఎక్పస్టేషన్‌ను మరింత పెంచే అవకాశం ఉందంటున్నారు సినీ విశ్లేషకులు.
