ఉత్తరాఖండ్‌లోని రిషికేశ్‌లోని దయానంద సరస్వతి ఆశ్రమానికి చేరుకున్న ఆయన మాట్లాడుతూ, నా అంతరాత్మ గురించి తెలుసుకునేందుకే నేను ఆధ్యాత్మిక బాట పట్టాను. మనిషి జీవిత లక్ష్యం తనను తాను తెలుసుకోవడమేనన్నారు. తాను ఆ ప్రయత్నంలోనే ఉన్నానని చెప్పుకొచ్చారు.
తానింకా పూర్తి స్థాయి రాజకీయవేత్తను కాలేదని ఓ ప్రశ్నకు సమాధానమిచ్చారు. కనీసం రాజకీయ పార్టీ పేరును కూడా ప్రకటించలేదని ఆయన గుర్తుచేశారు. ఆశ్రమంలో రాజకీయ వ్యాఖ్యలు చేయడం సరికాదని పేర్కొన్న ఆయన, ఈ ఆశ్రమానికి రావడం ఇదే తొలిసారి కాదని, గతంలో చాలా సార్లు తానీ ఆశ్రమానికి వచ్చానని తెలిపారు.
