వివాదాస్పద దర్శకుడు రాంగోపాల్ వర్మ అమితంగా ప్రేమించే హీరోయిన్ శ్రీదేవి. ఆమె ఇకలేరన్న వార్తను ఆయన జీర్ణించుకోలేక పోతున్నారు. దీనిపై ఆయన ఓ ట్వీట్ చేశారు. దేవుణ్ణి ఎప్పుడు ఇంత‌లా ద్వేషించ‌లేదన్నారు. కాంతికన్నా ఎక్కువ ప్రకాశవంతమైనది.. నేడు మనకు దూరమైంది.. లోకం విడిచిపోయిన శ్రీదేవి అంటే తనకు చాలా కోపం వస్తుంది.. శ్రీదేవి ఏ లోకంలో ఉన్నా.. ఎప్పుడూ ప్రేమిస్తూనే ఉంటాను అంటూ తన ఆరాధ్య దేవతకు నివాళులు అర్పించారు.
ఆమె భర్త బోనీ కపూర్ గురించి ఆలోచిస్తేనే చాలా ఆవేదనగా ఉందని, శ్రీదేవి నిజంగానే చనిపోయిందా? ఎవరైనా నన్ను నిద్రలేపి.. ఇదొక పీడకల మాత్రమే అని చెప్పగలరా? అంటూ శ్రీదేవి మరణంపై తన బాధను రామ్ గోపాల్ వర్మ ట్వీట్స్ చేశారు.
