కన్నడ నటుడు రామచంద్రరాజు కేజీఎఫ్ సినిమాలో మెయిన్ విల‌న్ `గరుడ`గా తన అద్భుతమైన న‌ట‌న‌తో దేశవ్యాప్తంగా ఖ్యాతిని పొందారు. ప్ర‌స్తుతం యంగ్ హీరోస్ శ‌ర్వానంద్‌, సిద్దార్ధ్ ప్ర‌ధాన పాత్ర‌ల‌లో న‌టిస్తున్న `మ‌హాస‌ముద్రం`లో ఒక కీల‌క పాత్ర‌లో న‌టిస్తున్నారు. దర్శకుడు అజయ్ భూపతి ఎంతో ప్రతిష్టాత్మకంగా తెర‌కెక్కిస్తున్న ఈ చిత్రం నుండి ఇప్ప‌టికే విడుద‌లైన శ‌ర్వానంద్‌, సిద్దార్ధ్, అధితిరావు హైద‌రి, అనూ ఇమాన్యూయేల్, జ‌గ‌ప‌తిబాబు, రావు రమేష్ ఫ‌స్ట్‌లుక్స్‌కి మంచి రెస్పాన్స్ వ‌చ్చింది. కాగా ఈ రోజు ధ‌నుంజ‌య్‌గా రామచంద్రరాజు ఫ‌స్ట్‌లుక్‌ని విడుద‌ల చేసింది చిత్ర యూనిట్. భ‌య‌పెట్టేలా ఉన్న ఈ ఫ‌స్ట్‌లుక్ పోస్ట‌ర్ అంద‌రిని ఆక‌ట్టుకుంటుంది. తెలుగులో ఈ చిత్రం రామ‌చంద్ర‌రాజుకి మంచి బ్రేక్ ఇస్తుంద‌ని ఈ పోస్ట‌ర్ చూస్తే అర్ద‌మ‌వుతోంది.
