దివంగత ముఖ్యమంత్రి నందమూరి తారక రామారావు జీవిత కథ ఆధారంగా ఎన్టీఆర్ బయోపిక్ రూపుదిద్దుకుంటున్న సంగతి తెలిసిందే. ఈ సినిమా షూటింగ్ శరవేగంగా జరుగుతోంది. ఈ చిత్రంలో ఎన్టీఆర్‌గా బాలకృష్ణ, ఎన్టీఆర్ సతీమణిగా బాలీవుడ్ నటి విద్యాబాలన్ నటిస్తున్నారు.
ఇప్పటికే బాలకృష్ణ .. విద్యాబాలన్‌పై కొన్ని ముఖ్యమైన సన్నివేశాలను చిత్రీకరించిన ఆయన, తదుపరి షెడ్యూల్లో కీలకమైన సన్నివేశాలను చిత్రీకరించనున్నారు. ఈ షెడ్యూల్లో రానా కూడా పాల్గొనే అవకాశం ఉందని టాక్. ఇక ఈ చిత్రంలో ఏపీ సీఎం చంద్రబాబు నాయుడు, ఎన్టీఆర్ అల్లుడు పాత్రలో రానా కనిపిస్తాడు.
