#MeToo పై రాశీ ఖన్నా... టాలీవుడ్‌లో నాకు అలాంటి అనుభవాలే...

ఈమధ్య ఏ హీరోయిన్ ఇంటర్వ్యూ ఇచ్చినా పాత్రికేయులు అడుగుతున్న కామన్ క్వచ్చన్ మీటూ గురించి వుంటోంది. తాజాగా రాశీ ఖన్నా కూడా ఓ పత్రికతో తన భావాలను పంచుకుంది. ఈ సందర్భంగా మీడియా మీటూ గురించి టాలీవుడ్ ఇండస్ట్రీలో మీకు ఎదురైన అనుభవాలు ఏమిటని అడిగితే ఆమె ఇలా చెప్పుకొచ్చింది.

ఎప్పుడో జరిగిన లైంగిక వేధింపులకు సంబంధించి ఇప్పుడు చాలామంది ధైర్యంగా చెపుతున్నారు. ఇది అభినందించదగ్గ విషయం. చిత్ర పరిశ్రమలోనే కాదు ఎక్కడైనా వేధింపులకు పాల్పడితే మహిళలు తమపై జరుగుతున్న దారుణాలను వెంటనే బహిర్గతం చేయాలి. అప్పుడే మరోసారి ఇలాంటివి పునరావృతం కాకుండా వుంటాయి.

ఇక నా గురించి చెప్పాలంటే... నేను టాలీవుడ్ ఇండస్ట్రీలోకి ప్రవేశించినప్పటి నుంచి ఇప్పటివరకూ మంచి అనుభవాలే ఎదురయ్యాయి. ఇక్కడ లైంగిక వేధింపులు ఎలా వుంటాయన్నది నాకు తెలియనే తెలియదు. టాలీవుడ్ ఇండస్ట్రీలో మహిళలంటే చాలా గౌరవంగా చూస్తారు. ఐ లైక్ వెరీ మచ్ టాలీవుడ్. ఐతే కొందరు తమకు వేధింపులు ఎదురయ్యాయని చెపుతున్నారు కానీ వాటి గురించి తనకు తెలియదని చెప్పింది.