వివరాల్లోకి వెళితే... పుష్పలో రష్మిక మందన నటన అద్భుతమనే పేరు కొట్టేసింది. ఆమె నటనకు, డ్యాన్సుకు చిన్నారులు ఫిదా అయ్యారు. పుష్పలోని సామి పాటను అనుకరిస్తూ వీడియోలు పోస్టు చేశారు. దీంతో పాటు చిన్నారుల ఫ్యాన్స్ పుష్పతో ఆమెకు అధికమయ్యారు.
అంతేగాకుండా పుష్ప హీరోయిన్ బెస్ట్ యాక్ట్రస్, కిడ్స్ ఛాయిస్ అవార్డు 2022ని కైవసం చేసుకుంది. నికోల్డియన్ ఇండియా నిర్వహించిన ఈ అవార్డుల కార్యక్రమంలో పుష్ప సినిమాకు గాను రష్మిక మందన ఈ అవార్డును సొంతం చేసుకుంది.
ఈ సందర్భంగా రష్మిక మందన తన చిన్ని ఫ్యాన్సుతో పాటు అందరికీ ధన్యవాదాలు తెలిపింది. ఇంకా ఆర్గనైజర్లు, దర్శకులు, సహనటులు, నిర్మాతలు ఫ్యాన్సుకు ధన్యవాదాలు తెలియజేసింది.
