కొన్ని నెలల విరామం తర్వాత రాజమౌళి.. ఈ భారీ బడ్జెట్ చిత్రాన్ని తెరకెక్కించనున్నారు. ఈ చిత్రం ఆదివారం లాంఛనంగా ప్రారంభంకానుంది. ఈ కార్యక్రమానికి హీరో ప్ర‌భాస్ ముఖ్య అతిథిగా రానున్నారు. ఈ చిత్రం చిత్ర వివ‌రాలు, టైటిల్‌తో పాటు మిగ‌తా విషయాలు కూడా ఆదివారమే వెల్లడించనున్నారు.
మెగా పవర్ స్టార్ రామ్ చరణ్, యంగ్ టైగర్ ఎన్టీఆర్‌లు కలిసి నటిస్తున్న ఈ చిత్రం టైటిల్ గత కొన్ని రోజులుగా ఆర్.ఆర్.ఆర్ అంటూ ప్రచారం సాగుతూ వస్తోంది. అయితే ఈ ఆర్.ఆర్.ఆర్‌లోనే చిత్రం టైటిల్ ఉందని, అది "రామ రావణ రాజ్యం" అని సోష‌ల్ మీడియాలో జోరుగా ప్రచారం జ‌రుగుతుంది.
వ‌చ్చే నెల‌లో ఈ ప్రాజెక్ట్‌ని సెట్స్ పైకి తీసుకెళ్ళేలా రాజమౌళి స‌న్నాహాలు చేసుకుంటున్నార‌ని స‌మాచారం. చిత్రంలో ఓ క‌థానాయిక‌గా కీర్తి సురేష్ పేరు వినిపిస్తుండ‌గా, మ‌రో హీరోయిన్ స‌మంత అని ప్రచారం సాగుతోంది.
