దర్శక ధీరుడు ఎస్ఎస్.రాజమౌళి తెరకెక్కించిన చిత్రం "ఆర్ఆర్ఆర్". జూనియర్ ఎన్టీఆర్, రాం చరణ్‌లు నటించగా మార్చి 25వ తేదీన విడుదలైంది. ఈ చిత్రం విడుదలైనప్పటి నుంచి ఇది సరికొత్త వసూళ్ల రికార్డులను సృష్టిస్తుంది.
నిజానికి ఈ సినిమా ప్రమోషన్ కార్యక్రమాలకు బాలీవుడ్ దర్శకనిర్మాతల, హీరోల నుంచి ఆశించిన స్థాయిలో మద్దతు లభించలేదు. కానీ, విడుదలైన తర్వాత కలెక్షన్లపరంగా దూసుకెళుతోంది. బాలీవుడ్ నటి అలియా భట్, బాలీవుడ్ నటుడు అజయ్ దేవగణ్‌ను నటించడం హిందీలో ప్లస్ అయింది. మరోవైపు, ఈ సినిమాకు సీక్వెల్ ఉందని ఆ చిత్ర కథా రచయిత, రాజమౌళి తండ్రి విజయేంద్ర ప్రసాద్ చెప్పడం ఇపుడు ఈ చిత్రంపై మరింత ఆసక్తని పెంచుతుంది.
