భారత మాజీ సూపర్ ఫాస్ట్ బౌలర్ శ్రీశాంత్ హీరోగా మెట్ట‌మెద‌టి సారిగా నటిస్తున్న చిత్రం 'టీమ్ 5'. శ్రీశాంత్ చాలా మంచి డ్యాన్సర్ అనే విషయం తెలిసిందే. రాజ్ జకారిస్ ప్రొడక్షన్ వాల్యూస్, దర్శకుడు సురేష్ గోవింద్ చెప్పిన కథ, కథనం బాగా నచ్చడంతో హీరోగా శ్రీశాంత్ నటిస్తున్నారు. పదునైన బౌలింగ్‌తో బ్యాట్స్‌మెన్‌ను హడలెత్తించిన శ్రీశాంత్ ఇప్పుడు వెండితెర‌పై బైక్ రైస‌ర్‌గా క‌నిపిస్తున్నాడు. అంతేకాకుండా శ్రీశాంత్ చాలా స్టైలిష్‌గా కనిపించబోతున్నాడు.
తన క్యారెక్టర్‌తో పాటు, డైలాగ్స్, డ్యాన్స్, ఫైట్స్, గెటప్, కాస్ట్యూమ్స్ విషయంలో చాలా శ్రద్ధ తీసుకుంటున్నారు. ఇక కన్నడ స్టార్ హీరోయిన్ నిక్కీ గర్లానీ హీరోయిన్‌గా చేస్తుంది. పెర్ల్ మానే, మఖరంద్ దేశ్ పాండే ఇతర పాత్రలు పోషించారు. గోపిసుందర్ అందించిన పాటలు అద్భుతంగా ఉన్నాయి. అక్టోబరులో రిలీజ్‌కి ప్లాన్ చేస్తున్నారు. తెలుగు, తమిళ, కన్నడ భాషల్లో ఈ చిత్రాన్ని రూపొందించారు.
ఈ సందర్భంగా చిత్ర నిర్మాత రాజ్ జకారియాస్ మాట్లాడుతూ ఇండియన్ మాజీ స్టార్ క్రికెటర్ శ్రీశాంత్‌ని సిల్వర్ స్క్రీన్ మీద చూడాలని ఆయన అభిమానులంతా ఎదురుచూస్తున్నారు. ఆ అరుదైన అవ‌కాశాన్ని శ్రీశాంత్ మాకు ఇచ్చినందుకు వారికి మా ధ‌న్య‌వాదాలు. మా కథ, కథనం మీద నమ్మకంతో ఆయన బాడీ లాంగ్వేజ్‌కు తగ్గట్టుగా ఉండే క్యారెక్టర్ కావడంతో ఒప్పుకున్నారు. చిత్రంలో బైక్ రైస‌ర్‌గా నటిస్తున్నారు. ఐదుగురు ఫ్రెండ్స్ బైక్ రైస‌ర్స్‌గా వారి జీవితంలో ఎలాంటి మార్పులు వ‌చ్చాయనేది ముఖ్య క‌థాంశంగా తెర‌కెక్కించాం.
మా చిత్రంలో అన్ని ఎమెష‌న్స్ ఉంటాయి. మంచి ఫ్రెండ్‌షిప్, ల‌వ్‌స్టోరీ, ఫ్యామిలీ ఎమెష‌న్స్ ఉంటాయి. ఇప్ప‌టికే షూటింగ్ కంప్లీట్ చేసుకుంది. అక్టోబరులో చిత్రం విడుద‌ల‌కి స‌న్నాహ‌లు చేస్తున్నాం. స్టార్ హీరోయిన్ నిక్కీ గర్లానీ, శ్రీశాంత్ మధ్య మంచి కెమిస్ట్రీ కుదిరింది. టీమ్ 5 అనే టైటిల్‌కు తగ్గట్టుగా మా దర్శకుడు సురేష్ గోవింద్ గ్రిప్పింగ్ స్క్రీన్ ప్లే రాసుకున్నారు. తెలుగు, తమిళ, మలయాళ భాషల్లో రూపొందిస్తున్న అతిత్వరలోనే ఆడియో విడుద‌ల చేస్తాం. ఇటీవ‌లే టీజ‌ర్‌ని విడుద‌ల చేశాం. అన్నివర్గాల ప్రేక్ష‌కుల నుంచి మంచి అప్లాజ్ వ‌చ్చింది. చిత్రం కూడా చాలా మంచి రెస్పాన్స్ కూడా వస్తుంద‌ని మా న‌మ్మ‌కం ఉందన్నారు.
