ప్రభాస్ సరసన బాలీవుడ్ నటి శ్రద్ధా కపూర్ నటించగా, సుజిత్ దర్శకత్వం వహించారు. మొత్తం నాలుగు భాషల్లో విడుదలైన ఈ చిత్రం కథాకథనాల పరంగా అంచనాలను అందుకోలేక నెగెటివ్ టాక్‌ను సొంతం చేసుకుంది. కానీ, ప్రభాస్‌కు ఉన్న క్రేజ్ దృష్ట్యా కలెక్షన్ల పరంగా దూసుకెళుతోంది.
ఈ చిత్రం భారీ ఓపెనింగ్స్‌తో అనేక ప్రాంతాల్లో కొత్త రికార్డులను సృష్టించింది. ఫలితంగా 10 రోజుల్లో రూ.400 కోట్లకి పైగా గ్రాస్‌ను వసూలు చేసింది. తొలి రోజునే నెగెటివ్ టాక్ వచ్చినా, నాలుగు భాషల్లో కలుపుకుని ప్రపంచవ్యాప్తంగా ఈ సినిమా ఈ స్థాయి వసూళ్లను రాబట్టడం విశేషం. లాంగ్ రన్‌లో ఈ సినిమా 500 కోట్ల మార్క్ ను చేరుకోవచ్చనే సినీ విశ్లేషకులు అభిప్రాయపడుతున్నారు.
